Gavalının tərkibində qlükoza, fruktoza, saxaroza, А, В1, В2, С, Н və РР vitaminləri, həmçinin zəruri mineral maddələr – kalium, kalsium, maqnezium, sink, mis və manqan, dəmir, xrom, bor və nikel, fosfor və natrium mövcuddur. Gavalının başlıca faydalı xüsusiyyəti mədənin yumşaq şəkildə təmizlənməsi və mədə-bağırsaq yolunun fəaliyyətinin normallaşdırılmasından ibarədir. Gavalı iştahanı artırmaq və bağırsaq peristaltikasını gücləndirmək xassəsinə malikdir, ateroskleroz zamanı faydalıdır, damarların divarlarındakı xolesterin yığınlarını azaldır. Zəif sidikqovucu vasitə kimi çıxış edir, böyrəklərin, həmçinin bütün orqanizmin şlak və toksinlərdən təmizlənməsinə səbəb olur. Tərkibində bol miqdarda olan kalium ürək əzələsinin və damar divarlarının möhkəmlənməsinə səbəb olur. Bu isə ürək-damar sistemi xəstəlikləri və hipertoniya zamanı faydalıdır.
