Diyetoloqlar onu ağır xəstəlik yaxud əməliyyat keçirmiş insanların qida rasionuna daxil etməyi məsləhət görürlər. Bu, orqanizmin ən qısa müddətdə bərpası və möhkəmlənməsi üçün zəruridir.
Quru yaxud qaxac edilmiş şaftalıdan müntəzəm istifadə immuniteti gücləndirir, xüsusən payızda və qışda kəskin respirator virus infeksiyaları və kəskin respirator xəstəliklərin qarşısını alır.
Şaftalı qurusu antibakterial xüsusiyyətlərə malikdir, bağırsağın mikroflorasını normallaşdırır. Ondan sistemli şəkildə istifadə nəticəsində həzm prosesi və ödün ifrazı yaxşılaşır.
Damar, ürək xəstəlikləri və aritmiyadan əziyyət çəkənlərə səhərlər acqarına şaftalı qurusunun 2-4 yarısını yemək məsləhət görülür. Şaftalı qurusu qanın tərkibini yaxşılaşdırır, qanyaranma prosesinə yardım edir, dəmir çatışmazlığı anemiyasının inkişafının qarşısını alır. Hansı şəkildə olursa-olsun, şaftalı şlaklardan, toksinlərdən təmizlənməkdə, ağır metal duzlarının, radiasiya elementlərinin xaric edilməsində orqanizmə kömək edir. Şaftalı qurusunun cövhəri yaxud həlimi mədədəki ağırlığın aradan qalxmasına səbəb olur. Onun acqarına müntəzəm qəbulu damarların təmizlənməsini, onların möhkəmlənməsini təmin edir. Şaftalı qurusu toxumalarda sərbəst radikalların miqdarını azaldır, nəticədə bədxassəli törəmələrin əmələ gəlmə riski aşağı düşür.