Albalı qurusunda bütün mineral və vitaminlər, kalsium, fosfor, dəmir, sink, müxtəlif antioksidantlar qorunub saxlanılır. Antioksidantlar qocalma proseslərinin qarşısının alınmasında faydalıdır. Pektinli maddələr isə mübadilə proseslərinin, bağırsaq peristaltikasının yaxşılaşmasına səbəb olur. Qurudulmuş albalıda çoxsaylı vitaminlər, o cümlədən C vitamini mövcuddur. Vitamin C immunitetə görə cavabdehdir, insanı soyuqdəymədən, müxtəlif iltihabi xəstəliklərdən qoruyur. Quru meyvələrin tərkibindəki kalsium və kalium ürək əzələsinin fəaliyyətinə, insanın digər daxili orqanlarına müsbət təsir göstərir. Əksər mütəxəssislər bu meyvələri immunitetin gücləndirilməsi üçün ən yaxşı məhsul hesab edirlər.
