Vitaminlər mənbəyi olan çiyələk olduqca dadlıdır. Onun tərkibində orqanizm üçün çox faydalı olan C vitamininin, antioksidantların, B9 vitamini və mikroelementlərin mövcudluğu hər kəsə məlumdur. Bu giləmeyvə qan azlığı, podaqra, həzm yolu orqanlarının bəzi xəstəlikləri zamanı olduqca faydalıdır. İnsan orqanizminin ürək-damar sisteminə çox yaxşı təsir göstərir. Üstəlik azkalorili məhsuldur, arıqlamaya yardım edir. İki il saxlandıqda belə öz faydalı xüsusiyyətlərini itirmir və orqanizmə müsbət təsir göstərir. Tərkibində vitaminlər, yağlar, karbohidratlar, üzvi maddələr, fol və digər turşular, mineral maddələr var. Tərkibində şlakların orqanizmdən çıxmasına yardım edən pektin turşularının olması məhsulun dəyərini xüsusilə artırır.
